HeKo 494 3-B, 3 nov 11
Danke al la iniciato de s-ino Chiara Macconi, delegito de la Esperanto-Centro ĉe la Komitato por verkistoj en prizono de PEN Internacia, hieraŭ vespere ankaŭ Esperantio honoris la memoron de la intelektuloj murditaj fare de la narkotistaj karteloj en Meksiko.
La ceremonio havis kvazaŭ privatan formon, ĉar ĝi okazis en privata hejmo, sed ĝin oficialigis la alesto de la Konsulo de la Esperanta Civito. Sen. Giorgio Silfer emfazis la fakton, ke “la murdo de verkistoj, ĵurnalistoj, publicistoj, blogistoj estas rekta atako kontraŭ kulturo kaj kontraŭ demokratio. Celebri ĉi tiun vesperon estas maniero rezisti kontraŭ tiu atako”.
La invitita konsulo de Meksiko en Milano senkulpiĝis pro ne ĉeesto.
Aldonu komenton