Komitato Armand (pri esperantistoj en prizono) ricevis la informon, ke antaŭhieraŭ s-ino Julia Privedionnaja estis arestita en Moskvo, sub la akuzo de “kreo de kontraŭleĝa armita grupo”, “fondo de kontraŭhoma socia uniĝo” kaj simile. Pro la samaj akuzoj estis siatempe arestitaj aliaj membroj de Portos: Jurij Davydov, Irina Derguzova k.a., kiuj jam eliris el la prizono.
Julia Privedionnaja estis membro de Sennacieca Asocio Tutmonda, kaj ŝi aktive partoprenis en SAT-kongreso en Moskvo, kie ŝi multe helpis al la organiza teamo.
En dato 2 jun 08 Julia Privedionnaja estis eskortita el la provizora izolejo de Luberci al esplora izolejo de Kolomna, sed ŝi ne estis akceptita tie pro manko de nepra juĝdecido pri la aresto. Tial ŝi estis revenigita al Luberci. Tamen longe reteni iun en provizora izolejo oni ne rajtas; do ŝi estis plu liverita al juĝ-psikiatria ekspertizo.
www.civitas.ru/news.php?code=5054
Aldonu komenton