HeKo 631 6-C, 23 jan 17
Kiel jam legeble de certa tempo en la titolpaĝo, la novaĵagentejo HeKo havas oficialan poŝtan adreson ĉe la Okcidenta Legacio de la Esperanta Civito, strato Edinburgo 26, BE-1050 Bruselo, Belgio.
La gekolegoj uzantaj informojn el HeKo por artikoloj en siaj paperaj periodaĵoj estas afable petataj sendi pruvekzempleron de la koncerna numero al la supra adreso.
Kiel oni jam scias, HeKo estas senpaga servo. Tial la sendo de tiuj ekzempleroj por nia arkivo estus afero de ordinara ĝentileco.
Ni dankas ankaŭ al niaj legantoj pro la signalado de la eventuala (mis)uzo de niaj informoj en diskutlistoj, FB-paĝoj, sociaj retoj ktp. Por tio kompreneble sufiĉas retmesaĝo kun la koncerna ligilo.
(HeKo 631 6-C, 23 jan 17)