La numero 2.158 (9:2010) de “Heroldo de Esperanto” rekte eniras la kongresan sezonon, kiun daŭrigas, post la fervojista, la katolika kaj la instruista kiel internaciaj renkontoj: speciale delikata ŝajnas la situacio ĉe la katolikoj. Sed eĉ pli tikla povas esti la etoso en la hispana Esperantio, post la verdikto de la Konstitucia Kortumo pri la statuto de Katalunio.
En la fokuso de la kongresa sezono sendube kuŝas UK. Prepare al ĝi, jen polemiko inter Schäffer kaj Buller pri la UEA-personaro, kaj analizo de la membrostatistiko kaj financoj ĉe SAT kaj UEA. Kies publikrilataj strategioj ankaŭ meritas atenton.
Afriko estas pli kaj pli atentata, pro la kreskanta graveco de ĝia E-komunumo. Ruando, Kongolando, Togolando… ilia movada konjunkturo forte diferencas de Ameriko (turnita ĉefe al instruado) kaj Azio (turnita ĉefe al grupodinamiko).
La gazeton “Heroldo de Esperanto”, fonditan antaŭ naŭdek jaroj, posedas eldonas administras LF-koop. Varbekzemplero estas mendebla ankaŭ tra nia redakcio. Ĉefredaktoro: Aneto Muhlemann; kongresa redaktoro: Dieter Rooke.