HeKo 315 2-B, 9 nov 06
Centro Espero en Sofio, gvidata de c-ano Dimitar Papazov, planas historian simpozion pri la temo: “1907 kaj la sekvo”, okaze de la centjara jubileo de la bulgara Esperantio. Al la simpozio estos invititaj esperantologoj el Bulgario kaj el eksterlande, per la kunlaboro de Scienca Instituto Dietterle. La provizora dato estas la du lastaj tagoj de aŭgusto 2007, tuj antaŭ la kongreso de Bulgara E-Asocio. Ĉi-lasta tamen estas kunvokita al Kazanlako, meze de la lando, dum la simpozio disvolviĝos en Sofio.
(HeKo 315 2-B, 9 nov 06)