HeKo 673 8-B, 10 mar 18
Valora tradukinto, József Horváth gastos ĉe la 45a literatura kafejo en Budapeŝto, organizata de Fajszi Amika Rondo sub la aŭspicio de Esperanta PEN-Centro. La sidejo estas la orienta legacio de la Esperanta Civito, avenuo Thököly 58-60, en la 14a distrikto. La dato estas, kiel kutime, en la tria ĵaŭdo de la monato, do la 22a de marto, je 18h15.
S-ro Horváth parolos pri la germana klasikaĵo “Miĥaelo Kohlhaas” de Heinrich von Kleist, samtempulo de Goethe kaj Schiller. “La kernon de la etromano oni povus vortigi jene: Se ekscesa, virto iĝas danĝera” diras la tradukinto.
Bonvenigos c-ino Judit Felszefhy, legacia asistanto.
La gasto de la aprila literatura kafejo estos alia Jozefo: s-ro Pleadin el Kroatio.