HeKo 386 7-B, 6 apr 09
La esperantistoj en Razgrado (Bulgario) festis la 1an de aprilo (en la Internacia Tago de la Humuro) per vespero dediĉita al la 120a naskiĝa datreveno de Raymond Schwartz.
En la salono de la Esperantista Domo de Kulturo “D-ro Ivan Kirĉev”, en ĉeesto de ĉirkaŭ kvardek samlingvanoj, sen. Ivanichka Magharova prezentis lian vivon kaj verkadon kaj legis partojn el lia “Verdkata testamento”. La kantgrupo Sopiro” (funkcianta ĉe la esperantista kulturdomo) plenumis esperantajn kantojn kaj anekdotojn en la verda lingvo.
Aldonu komenton