HeKo 878 8-B, 4 jul 25
Kultura Centro Esperantista organizas simpozion en Svislando pri la temo: “Kian esperantiston konstrui? Renkonto pri la instruado de Esperanto”: ĝi estos pli andragogia ol pedagogia, kaj okazos reale, en la Esperanto-Domo de Ĉaŭdefono, 1-3 novembro 2025.
Nome de KCE prezidanto Stano Keable havas la honoron individue inviti ĉiun nuntempan ILEI-estraranon al la simpozio. La invito signifas senpagan restadon, sed ne repagon de vojaĝkostoj. Tamen, kaze de prelego de invitito, KCE helpos ankaŭ por la vojaĝo, almenaŭ parte.
La invititoj povas partopreni ankaŭ telematike, sed KCE esperas ke almenaŭ la eŭropaj estraranoj partoprenos fizike. La invito ne estas transdonebla al persono ekster la ILEI-estraro je la hodiaŭa dato.
(kce)