HeKo 321 5-C, 21 jan 07
Kenjo rifuzis la enirvizon al Dalai Lama, spirita gvidanto de la tibeta budhismo, kiu do ne povos partopreni la Mondan Socian Forumon en Najrobo. Pri tio raportas la itala oficiala ITV de la Forumo, mastrumata de la gazetara servo de la Provinco de Trento.
“La Esperanta Civito esprimas sian solidarecon al Dalai Lama. La hontinda konduto de la kenjaj aŭtoritatoj maltrankvilige kongruas kun ĝenerala sinteno de neglektado pri la Monda Socia Forumo, fare de la enlandaj amasmediaj komunikiloj” estis la unua komentario de c-ano Giorgio Silfer, la ĵus elektita Konsulo.