HeKo 587 5-A, 12 dec 15
C-ano Koffi Gbeglo ĵus dissendis la suban deklaron, post kunsido de la landa asocio de UEA en Togolando, ĉe Institut Zamenhof en Lomeo:
Ekde nun mi estas for de UEA, ĝis tiun asocion gvidu homoj konsciaj pri la kresko ĉiapunkta de afrikanoj. Laŭ mi, UETA nun estas tre bone organizita kaj ĝia provizora sidejo Afrika Centro Esperantista pli bone funkcianta ol Centra Oficejo en la manoj de Osmo Buller.
Mi do rifuzas la postenon de komitatano A de Unuiĝo Togolanda por Esperanto ĉe UEA, kaj eĉ rezignas pri mia kandidatiĝo al la B-komitataneco de UEA, ĉar la voĉnombrado en la CO en Roterdamo tute ne estas fidinda. Mi memorigas kiel oni traktis mian kandidatiĝon al la posteno de ĝenerala direktoro lastatempe.
Komentoj
31a Okt 2019 Ĵaŭ - 19h43
La deklaro de c-ano Gbeglo ŝajnas origini el la ĉagreno pro persona mistraktado; cetere li ne anoncas definitivan eksiĝon el la Asocio. Sed eble ĝi havas ankaŭ taktikan signifon: UTE daŭre estas landa asocio de UEA, kaj la komitataneco de Gbeglo estus baro por normaligo de la rilatoj. Nur la eksiĝo de UTE el UEA havus gravan politikan signifon; sed tio estas tre malprobabla.
Aldonu komenton