Kompleta la tria jarkolekto de "Femina"

HeKo 343 5-B, 12 dec 07

Eliris de la presejo la decembra numero de “Femina”, kiu kompletigas la trian jarkolekton de la revuo de Feminisma Esperanta Movado, eldonata de LF-koop.

“Trans silentigo” estas la ĉeftemo de la dekdua numero, reference al pluraj artikoloj de virinoj pri subpremataj minoritatoj, kiel la kurda kaj la naga; sed la silentigo koncernas multajn virinajn voĉojn, unuavice tiun de ĵurnalistino Anna Politkovskaja.

La numero enhavas ankaŭ la kutimajn rubrikojn pri Pac-Nobelo al virinoj, pri alternativa turismo, pri socikulturaj konsiloj. Kontribuis interalie Marie-France Conde Rey, Marcelle Deschamps, Aneto Muhlemann, Chamberline Nguefack Zedong. Ĉefredaktis Perla Martinelli, grafike asistis Rolfo.

Ekzempleron de “Femina” estas mendebla ankaŭ tra nia redakcio.

Dizajno de MTT · Programo de Tramontána · Funkcio de Drupal
Copyright Kopirajto © 2006–2025 Esperanta Civito · Ĉiuj rajtoj rezervitaj.