SEDK “D-ro Ivan Kirĉev”- urbo Razgrad, Bulgario, lanĉas por 36a fojo Internacian Esperantan konkurson por originala esperanta poezio kaj humuro – EKRA-25. La sendotaj konkursaĵoj je liberaj temoj devas esti nenie publikigitaj antaŭe. Ili devas esti komputile skribitaj kaj subskribitaj per pseŭdonimoj.
La konkursaĵojn, bonvolu sendi al retadresoj: edkrazgrad@gmail.com / dimakateva@gmail.bg . La veran nomon kaj poŝtadreson, karaj partoprenontoj, vi sendu al dkateva@mail.bg kaj ekra_razgrad@mail.bg
Limdato – 31.05.2025. La rezultoj estos anoncitaj kadre de EKRA-2025, kiu okazos la 21an de junio 2025. La premiitaj konkursaĵoj estos publikigitaj en revuoj: “Bulgara esperantisto”, en “Esperantista tribuno” – eldonaĵo de la Esperantista Domo pri kulturo “D-ro Ivan Kirĉev” – Razgrad.