SEDK “D-ro Ivan Kirĉev”- urbo Razgrad, Bulgario, lanĉas por 36a fojo Internacian Esperantan konkurson por originala esperanta poezio kaj humuro – EKRA-25. La sendotaj konkursaĵoj je liberaj temoj devas esti nenie publikigitaj antaŭe. Ili devas esti komputile skribitaj kaj subskribitaj per pseŭdonimoj.
La konkursaĵojn, bonvolu sendi al retadresoj: edkrazgrad [ĉe] gmail [punkto] com (edkrazgrad[at]gmail[dot]com) / dimakateva [ĉe] gmail [punkto] bg (dimakateva[at]gmail[dot]bg) . La veran nomon kaj poŝtadreson, karaj partoprenontoj, vi sendu al dkateva [ĉe] mail [punkto] bg (dkateva[at]mail[dot]bg) kaj ekra_razgrad [ĉe] mail [punkto] bg (ekra_razgrad[at]mail[dot]bg)
Limdato – 31.05.2025. La rezultoj estos anoncitaj kadre de EKRA-2025, kiu okazos la 21an de junio 2025. La premiitaj konkursaĵoj estos publikigitaj en revuoj: “Bulgara esperantisto”, en “Esperantista tribuno” – eldonaĵo de la Esperantista Domo pri kulturo “D-ro Ivan Kirĉev” – Razgrad.
Aldonu komenton