La Esperanta Civito formale kunlaboras kun la Konsilio de Eŭropo, laŭ ĝia invito kaj pere de Kultura Centro Esperantista, kiu estas unu el la dekkelkaj institucioj oficiale komisiitaj de Strasburgo por analizi la preparatan dokumenton pri lingvotestado por enmigrintoj, rifuĝintoj, azilpetantoj.
nstituto Treccani, kiu zorgas la publikigon de la Itala Enciklopedio, kultura havaĵo je internacia renomo, ekde sia ekesto en 1925 ĉiam uzis la italan kiel laborlingvon. Hodiaŭ, post preskaŭ jarcento, unuafoje estas eldonita oficiale ankaŭ artikolo tute en esperanto.
Aboni interesan periodaĵon estas unu el la malmultaj manieroj praktiki esperanton dum la pandemio. Tio aparte gravas por la kultura revuo “Literatura Foiro” (de LF-koop) kaj la informa gazeto “Heroldo de Esperanto” (de KCE), ambaŭ legeblaj nur en papera formato.
Kunvokite al Upsalo (Svedio) por ĉi tiu semajno, nuligite pro la pandemia fenomeno, la ordinara PEN-mondkongreso fariĝis eksterordinara: ĝi okazas virtuale, sen rezolucioj kaj sen debatoj, nur kun lego kaj aprobo de dokumentoj kaj kun elektoj por la internacia estraro kaj la diversaj komisionoj.
Asocio de LingvoTestistoj en Eŭropo dediĉis hodiaŭ la unuan telematikan seminarion al test-aŭtomatigo. Nian lingvon reprezentis la Esperanta Civito pere de sen. Lorena Bellotti, delegitino de Kultura Centro Esperantista. La seminario anstataŭas eventon planitan en Istanbulo antaŭ la pandemio.
Pro la pandemio ankaŭ la ĵus finita mondkongreso de PEN Internacia reduktiĝis je la virtualo, praktike sen debato. Ekzistas pli ol 140 PEN-centroj (inkluzive de la esperanta), sed kutime ne pli ol okdeko alestas fizike. Tial oni atendis multe pli vastan partoprenon ĉi-jare, sed aliĝis nur 72 (inkluzive de la nia). Des pli grave, nur 58 partoprenis en la balotoj.
Per la admirinda reĝisorado de c-ino Lorena Bellotti eŭropaj fakuloj de la Esperanta Civito, selektitaj tra Kultura Centro Esperantista, realigis hodiaŭ parte realan kaj parte virtualan seminarion, laŭ komisio kaj financado de ALTE kaj Konsilio de Eŭropo, pri LASLLIAM (esperantigebla al “La Alfabetigo kaj Sekundara Lernado por la Lingva Integrigo de Adoltaj Migrantoj”).
“La plej grava informo [de komisiono Talento] estas ke ni vere bezonas aktivulojn. Krom mi estas nur du homoj aktivaj: unu el ili estas la komisiito, do havas el tio aldonan laboron, kaj la alia estas tre engaĝita en diversaj partoj de TEJO” ĵus ple(n)dis Klara Ertl, estraranino de Tutmonda Esperantista Junulara Organizo.
Prepari aktivulojn en la intereso de la esperanta popolo: jen la celo de la 7a Afrika Esperantologia Semajno, la unua organizota de Afrika Esperanto-Instituto, aliĝinta al la Pakto por la Esperanta Civito.
Profiliĝas la risko ke ankaŭ en 2021 ne okazos la kongresoj Universala, Junulara, Poliglota ktp, pro la persisto de la pandemio. Telematikaj surogatoj estas reproponeblaj, sed la homoj bezonas efektivan apudeston; krome la surogatoj kostas multe al la organizanto, dum la partoprenanto ne emas pagi kotizon.
