C-ano Andrea Lago kaj c-ino Perla Martinelli estas konstruantaj la novan retejon de “Femina” kaj Feminisma Esperanta Movado, kies debuto estas planita por Tago de la Esperanta Kulturo 2015.
La retejo daŭrigas virtuale la eldonadon de la revuo, samtempe gardante la arkivon 2005-2014 de la ĉefaj rubrikoj, kiel tiu pri kino (fare de sen. Marie-France Conde Rey) aŭ la respondoj de Klara.
Ĝi ankaŭ proponos novaĵojn el Feminisma Esperanta Movado, specife pri ĝia aktiveco kadre de Internacia Konsilio de Virinoj.
La retejo estos nur parte alirebla senpage: ekzemple por esplori la menciitan arkivon necesos kotizi tra PayPal.
Novaĵo kompare kun la papera revuo, danke al la teknologio, estos la forumo.
Laŭ la ĝisnunaj rezultoj, eble la retejo estos la grafike plej moderna en Esperantio.