HeKo 852 8-B, 1 dec 24
Kultura Centro Esperantista kaj Studenta Esperanta Ligo bedaŭras, sed tute ne zorgas pro la subita decido prokrasti la semajnon de Universala Kongreso, kiu tiel koincidos grandparte kun Kultura Esperanto-Festivalo.
“KCE havas sian agendon, kiun ne kondiĉas la kapricoj de establo ekster la Pakto. Aliflanke UK havas sian publikon, pli turisme ol kulture motivitan. Bondeziron kaj al UK kaj al KEF samtempaj!” komentariis KCE-komitatano.
La 14a Kultura Esperanto-Festivalo okazos en Ĉaŭdefono, 28 julio — 3 aŭgusto 2025.
La prokrasto de UK, en tia maniero kia ĝi estas farita, povus signifi la ĉeson de la kontrakto inter UEA kaj E@I. Almenaŭ tion aŭguras la eksdirektoro en pensio, Osmo Buller.