De la 23a ĝis la 28a de julio 2007 okazis kursoj en Instituto Zamenhof (Lomeo, Togolando). Ilin organizis TIETo kaj UTE por altigi lingvonivelojn de esperantistoj kaj ankaŭ por baki novajn esperantistojn.
Estis tri niveloj:
- Unua: pli ol 26 komencantoj lernis per la Zagreba Metodo.
- Dua: ĉirkaŭ 15 personoj jam kun la diplomo pri Zagreba Metodo perfetigis sian scion. La lecionoj temas pri gramatiko/vortfarado kaj esperanto-kulturo. La kursanoj estas preparitaj por trapasi la ekzamenon A1 lau LTSEC (LingvoTesta Sistemo de la Esperanta Civito).
- Tria: temas pri preparkurso por la elementa nivelo de ILEI/UEA. 11 personoj sekvis la kurson, kies plej grava parto koncernas esperanto-kulturon.
Dum tiuj tagoj, de 7h30 ĝis 16h00, c-anoj Elom Attaglo, Didier Agbolo kaj Koffi Doumegnon gvidis la kursojn. Ĉeestis c-ano Koffi Gbeglo kiel konsilanto. Kio rimarkindas che la instruistoj kaj gekursanoj de la niveloj dua kaj tria, tio estas la interesigho pri la esperanto-kulturo. La instruistoj povis pli facile ol antaŭe gvidi kurson pri historio kaj literaturo. La instruistoj ne ĉesas mencii kiom kontribuas al ilia kono la unua Afrika Esperantologia Semajno, gvidita de c-ano prof. Giorgio SILFER en Togolando. La respondoj de kandidatoj dum la ekzamenoj atestas, ke kaj instruistoj kaj gelernantoj vere enprofundiĝas en la esperanto-kulturon.
Aldonu komenton