HeKo 557 2-C, 5 maj 14
Konforme al la siatempa anonco, estas kvin kandidatoj al la Kortumo, elektota de la Forumo de la Esperanta Civito venontsemajne dum la Parlamenta sesio en Budapeŝto.
Temas pri gec-anoj Kep Enderby, Andrés Martín, Bertil Nilsson, György Nanovfszky kaj Tiziana Rogora. La unuaj kvar estas elirantaj (vic)membroj, la lastan kandidatigis la establo Itala Interlingvistika Centro: se ŝi estus elektita, ŝi devus rezigni pri sia posteno en la Senato, laŭ la artikolo 21 de la Konstitucio.
La delegitoj de la paktintaj establoj povas baloti ankaŭ perkoresponde. Se voĉdonas ambaŭ delegitoj de la sama establo, oni enkalkulas nur la nomojn koincidajn ĉe ambaŭ: la nekoincidaj estas konsiderataj kiel sindetenaj.