HeKo 757 1-C, 12 mar 21
La Konsulo kunvokis la Kapitulon de la Esperanta Civito por merkredo 17 marto 2021, komunikante el Japanio densan tagordon.
Sen. Riichi Karibe intencas ekzameni la sekvojn de sia respondo al la interogacio pri deliktoj kontraŭ la esperanta flago. Tio kupliĝos al raporto de la vickonsulo pri internaj aferoj, kiu krome prezentos informon pri la estonta parlamenta sesio.
La Kapitulo ricevos de la vickonsulo pri financoj raporton pri la Tanganika Esperanto-Domo kaj decidos pri la ekesto de la afrika legacio. La aliaj kapitulanoj ĝisdatigos la informojn pri sia aktiveco.