Revenas “Poezio el ĉiuj ĉieloj”, literatura konkurso starigita de s-ro Giuseppe Campolo, kun la subteno de la civito de Sankta Anĝelo de Brolo (Mesino — Sicilio) kaj de Itala Esperanto-Federacio.
Rajtas partopreni ĉiuj poetoj el nia planedo, per poemoj en la itala lingvo, en esperanto, aŭ en ambaŭ lingvoj. Oni devas sendi retpoŝte (en formato word) al <samideano [ĉe] hotmail [punkto] it (samideano[at]hotmail[dot]it)> nur unu poemon ne pli longan ol kvindek versojn. La verkoj devas esti neeldonitaj kaj neniam premiitaj antaŭe.
La ĉi-jara konkurso riĉiĝas per nova fako: “Romanoj el ĉiuj ĉieloj”, verkoj esperantigitaj el ajna lingvo.
La premioj konsistos en mono, platoj kaj libroj. La premiada ceremonio okazos en la civita teatro de Sankta Anĝelo de Brolo, 18 oktobro 2016.
(fonto: Nicola Morandi)
Aldonu komenton