HeKo 331 1-A, 6 jun 07
La nova Estraro de Universala Esperanto-Asocio konsistos el gesinjoroj Probal Dasgupta, prezidanto; Ranieri Clerici kaj Claude Nourmont, vicprezidantoj; Barbara Pietrzak, ĝenerala sekretario; Marija Beloševic (faka agado, informado, ktp), Loes Demmendaal (financo-administrado), Hori Jasuo (landa agado, edukado, kulturo), José Antonio Vergara (strategio, lingvopolitiko, movada evoluo, scienca esplorado pri esperanto).
Tion rekomendas la konkluda raporto de la elektokomisiono de la Asocio, kies internaj reguloj de demokratio rememorigas Sovetunion aŭ korporacian reĝimon. Estas rimarkinde, ke nur por la oficoj de vicprezidanto kaj ĝenerala sekretario ekzistus alternativo: la malrekomenditoj estas ges-roj Yves Bellefeuille, Maritza Gutierrez kaj Amri Wandel. La lastaj du estas elirantaj estraranoj: entute en la nova Estraro restus nur unu membro el la antaŭa.
S-ro Yves Bellefeuille distingis sin kiel plumpan mokanton pri la Esperanta Civito. Se li komparus la elektosistemojn, li devus simple honti pri si mem.