Gec-anoj Mushosi Birindwa, Abdoulrahman Bukuru, Lucien Kagina, Ramazani Nanjira, Frederiko Nimubona, François-Mauriack Nunda estas akceptitaj por la staĝo pri la formado de kongresaj organizantoj, okazonta ĉe la Tanganika Esperanto-Domo en Bujumburo, dum la longaj semajnfinoj 6-8 kaj 13-15 decembro 2024, sub la gvido de c-ano Giorgio Silfer.
Temos pri lia lasta Afrika Esperantologia Staĝo, dum dudek jaroj da aktiveco por la afrikaj esperantistoj. El la trejnotoj konsistos la organiza teamo por la unua Esperanta Konferenco en Afriko, fine de decembro 2025 en Burundio; sed nur la plej diligentaj kaj asiduaj estos selektitaj, ankaŭ ĉar tiu teamo devos administri financajn rimedojn, kadre de Afrika Esperanto-Instituto, kun la subsidua asisto de la Kongresa buroo de la Esperanta Civito.
Por ĉi-lasta helpos svisa profesiulino estrinta ĉe hoteloj en pluraj afrikaj landoj (ankaŭ en Bujumburo) kaj italino helpinta en afrikaj hospitaloj (inkluzive de burundia) dum longaj jaroj.