En la nova jaro rekomenciĝas la Verdaj Ĵaŭdoj, organizataj de Esperanta Naturamikaro ĉe la Esperanto-Domo en strato Ricardo de la Vega, Malago. Dum la unua, 16 januaro 2025, gastos c-ano Giorgio Silfer, kiu raportos pri la situacio de la afrika Esperantio, kun interesaj kaj nekonataj detaloj pri la realo de la Universala Kongreso en Aruŝo, laŭ la atesto de afrikaj partoprenintoj.
La unua Verda Ĵaŭdo donos la ŝancon konsultiĝi pri alia kongreseto, nome la unua Andaluza Esperanto-Rendevuo, kiun ENa organizas por 28-31 marto 2025, ankaŭ danke al la helpo de grava loka kultura societo neesperantista.
Dum AER okazos ankaŭ la ordinara Asembleo de ENa kaj la inaŭgura sesio de la Parlamento de la Esperanta Civito, sub la prezido de la nova Konsulino, sen. Lorena Bellotti.
Aldonu komenton