Hodiaŭ posttagmeze la Vickonsulo de la Esperanta Civito, sen. Marie-France Conde Rey, atingis Buĵumburon, por oficiala vizito en Burundio. La Vickonsulon atendis ĉe la flughaveno delegacio de la paktinta establo SIPU, gvidata de c-anoj Frederiko Nimubona kaj Marteno Mbazumutima.
La Vickonsulo havis preskaŭ tuj laboran tagmanĝon kun la gvidantoj de SIPU. Ŝi havis ankaŭ la okazon renkonti du funkciulojn de la Esperanta Civito: c-ano Mushosi Birindwa, sekretario de la Lingva Komitato de Esperantio, kaj c-ano Jean-Sacha Barikumutima, provizora aktisto de la Kortumo.
La unua celo en la agendo de la Vickonsulo estas la vizito en la suda provinco Makambo, kie estas proponite starigi Civiton de Paco, sur tereno koncesiita fare de la Burundia Respubliko.