HeKo 662 6-C, 24 okt 17
Kelkaj kunlaborantoj de la okcidenta legacio de la Esperanta Civito kunvenis hodiaŭ en Bruselo por studa vespero pri la ideologio zamenhofa. La historian analizon gvidis c-ano Giorgio Silfer.
La prelego kaj la debato konsistigis modestan, sed sinceran omaĝon al la centa datreveno de la forpaso de Lazaro Ludoviko Zamenhof.
La Vickonsulo kaptis la okazon por enkonduki novan aktivulon de la legacia stabo: c-ano Claudiu Doda, membro de la Komitato de Esperanta Naturamikaro kaj kunordiganto de Civila Esperanta Servo. C-ano Doda loĝas nuntempe en Belgio, same kiel la vicprezidanto de ENa, c-ano Herman Deceuninck.
(HeKo 662 6-C, 24 okt 17)