Esperanto ĉeestas kun aliaj dudek kvin lingvoj la jaran eŭropan konferencon pri lingvotestado, ĉe la universitato de Sofio, 8-10 nov 06. La institucio delegita de la Esperanta Civito, nome KCE, estas reprezentata de prof. Giorgio Silfer; al la inaŭguro, fare de la rektoro, estas invitita ankaŭ c-ano Ljubomir Trifonĉovski, Unua Vickonsulo.
Dum la konferenco estas planita interalie la prezento pri LTSEC, la LingvoTesta Sistemo de la Esperanta Civito, la unusola kiu konformiĝas al la Komuna Eŭropa Referenca Framo, kvankam adaptita al la diaspora transnacia dimensio de Esperantio. KCE kunlaboras jam kun aliaj institucioj, en Eŭropo kaj Afriko, por la apliko de LTSEC.
La esperanta ĉeesto signifas ankaŭ konkretan kontribuon al du laborgrupoj, al kiuj prof. Silfer estas invitita: aparte grava estas tiu pri la rilato inter lingvotestado kaj akiro de ŝtataneco, komisiita de la Konsilio de Eŭropo.