HeKo 601 2-B, 18 maj 16
Delegacio de Esperanta Naturamikaro, gvidata de c-ino Perla Martinelli, sekretario de ENa, renkontis hodiaŭ matene du reprezentantojn de Naturfreunde International en la Viena kvartiro de NFI.
Al s-ino Cornelia Kühhas (eksteraj rilatoj) kaj f-ino Tamara Frank (komunikado) estis transdonita la rezulto de la seminario el Malago pri la esenco kaj estonteco de la naturamikaj domoj. Tial ke ili donis la impreson ne orientiĝi precize pri la jura temaro, la Esperantianoj klarigis kelkajn specifajn punktojn: kio estas Auffang Gesellschaft, kio estas subsidueco, kio estas konsorcia servo.
Per tiu renkonto ENa konsideras ke la pinta instanco de NFI estas oficiale informita pri la rezulto de la Malaga seminario.
(HeKo 601 2-B, 18 maj 16)
Aldonu komenton