D-ino Perla Martinelli estas la oka prezidanto de Kultura Centro Esperantista, post August Braun, Jean-Jacques Lavanchy, Mireille Grosjean, Giorgio Silfer, David Buhlmann, Sonja Brun, Daniel Muhlemann. Ŝi gvidos la kulturcentron dum tri jaroj, inkluzive la jubilean (1968-2018).
La elekto okazis hieraŭ dum la ordinara Asembleo de KCE, kiu aprobis ankaŭ la spezkalkulon (en perfekta ekvilibro) kaj la bilancon (kapitalo je 436.000 CHF: la domo mem estas asekurita por miliono da frankoj). Tamen la rezervoj en kontanto estas minimumaj: simple KCE ne povas permesi al si deficiton, kiun rapide kreas la eventuala manko de luantoj.
La triopa Komitato alelektos du pliajn membrojn.
C-ano Giorgio Silfer ne plu estas komitatano de KCE, same kiel li ne estas komitatano de aliaj paktintaj establoj (LF-koop, PEN, ENa ktp). Oportunas por lia sendependeco, ke la Konsulo ne gvidu paktintajn establojn.