HeKo 683 2-A, 30 jun 18
D-ino Perla Martinelli festis hodiaŭ en Helsinko siajn mil kaj unu lunojn. Kunestis intimaj finnaj geamikoj, precipe el Savonio kaj Tavastio, kaj la Konsulo ŝia edzo.
C-ino Martinelli elektis Finnlandon por sia jubilea festotago ankaŭ pro la agrablaj rememoroj kiuj ligas ŝin al la fora nordo, kie ŝi loĝis kaj instruis en 1976-78. La privata evento pasis tre agrable, interalie kun la vizito de la prezidantino de la Internacia PEN-Komitato por verkistoj en prizono.
Post kelkaj tagoj c-ino Martinelli prelegos pri la esperanto-verkistinoj dum la Baltiaj Esperanto-Tagoj en Estonio.
(HeKo 683 2-A, 30 jun 18)
Aldonu komenton