Esperanta Naturamikaro aktive partoprenas en telematikaj kunsidoj de Naturamika Junularo, kies sidejo situas en Prago. La delegito de ENa estas c-ino Ĥadiĝa Alieva, staĝanta ĉe la orienta legacio de la Esperanta Civito.
Inter la kunsidoj estis rimarkinda la ĵusa seminario pri daŭrebla turismo, organizita de la germana sekcio. Sed des pli grava la konferenco de la landaj sekretarioj, kie ENa levis la demandon pri subteno al la naturamika centro en insulo La Palma, forte damaĝita de la erupcio de la vulkano Cumbre Vieja.
Naturamika Junularo kaj diversaj partneroj en Eŭropo pretas helpi: Esperanta Naturamikaro tuj konaktis tiucele la grupon en la kanaria insulo. Kiel kerno temas pri itala familio enmigrinta antaŭ dudek kvin jaroj, el kiu unu persono parolas ankaŭ esperanton.
Estas rimarkinde ke en vilaĝo de tiu insulo naskiĝis la plej fama hispana esperantisto, Juan Regulo Perez, kiu iniciatis en alia insulo (Tenerifo) la renoman eldonejon Stafeto (1952-1975).