HeKo 508 3-B, 6 jun 12
La jura kaj organiza adresoj de Esperanta Naturamikaro koincidas ekde nun kun la Esperanto-Domo en Andaluzio. La kontoreto de ENa jam funkcias en la trietaĝa domo, ĵus pagita al la vendinto.
Konsekvence la adreso de ENa ne estas plu ĉe poŝtfako (kvankam ĝi validos ankoraŭ dum kelkaj semajnoj) sed en strato Ricardo de la Vega 14, ES-29018 Málaga. La retadreso estas la sama: <naturamik ĉe esperantio.net>.
La saman adreson havas la redakcio de la revuo “Femina”, kontaktebla ankaŭ tra la kutima retadreso. La telefon-numero (egala por ambaŭ establoj) pormomente estos komunikita nur al la membraro kaj la kunlaborantoj.
En la Esperanto-Domo ne situas aliaj institucioj, krom la du supre menciitaj.