HeKo 384 3-C, 5 mar 09
Estas legebla rete la mesaĝo de Sen. Chamberline Nguefack el Dualo, vickonsulo pri socialaj aferoj kaj tria mondo, kun delego pri la virina temaro, okaze de la Oka de Marto 2009. La mesaĝo aperis jam en la unua ĉi-jara numero de “Femina” kaj en la tria de “Heroldo de Esperanto”. Pliaj publikigoj estos bonvenaj.
Laŭ la titolo, la mesaĝo invitas al mobilizo kontraŭ perforto, kongrue al la kampanjo de UNIFEM, al kiu aliĝis tuj la Konsulo. Neniu esperantlingva subjekto aliĝis al la kampanjo, ĝis nun, escepte la Esperanta Civito, kiu tiel pruvas sian avangardecon kaj ne izoliĝemon el la reala mondo.