HeKo 876 2-B, 5 jun 25
Fajszi Amika Rondo kaj la orienta legacio de la Esperanta Civito lasos ĉi-monate la lokalon en avenuo Thököly, Budapeŝto, por alia ĉefurba sidejo, inaŭgurota fine de septembro 2025; konsekvence la legacio estos fermita dum preskaŭ tri monatoj, sed ĝi restos perkoresponde funkcianta.
La Kapitulo estas informita ke la ŝanĝon kaŭzas la malkontentiga konduto de la nova domposedanto, kun redukto de servoj (ekzemple vifio), misflegado de la palaco, ĝenerala malzorgo en la komunikado, vidalvide al la altigo de la kostoj.
(far)
Aldonu komenton