HeKo 412 8-B, 17 dec 09
La unua kajero de “Homarane” larĝe preterpasos la planitan paĝokvanton. Tio, kaj ioma malfruo en la kolekto kaj finredakto de la aktoj de la unua Simpozio pri Homaranismo, kaŭzis ke tiu kajero estos prezentita al la publiko nur fine de januaro 2010. Interalie oni evitos ke la unua numero, se datita en 2009, atingu la mendintojn en la posta jaro…
“Homarane” aperos unu ĝis du fojojn jare, en dika kajero de formato B5. La numeroj estas unuope mendeblaj, ankau tra nia redakcio. La revuon ĉefredaktas sen. mag. Bertil Nilsson; ĝin eldonas, posedas kaj administras LF-koop.