La neregistara organizo “Scio sen bariloj” (SSB) organizos Afrikan Kongreson de Esperanto, kun la helpo de la nordaj [nordiaj? nordhemisferaj? prosperaj (ĉu ekzistas?)] landaj asocioj de UEA.
Svisa Esperanto-Societo ricevis informojn pri tiu evento. Mireille Grosjean (kunprezidanto de SES kaj estrarano de SSB) proponis al la estraro de SES, ke oni prenu kvin mil svisajn frankojn por subvencii la alvenon de du afrikanoj en Kotonuo (Benino), kie la kongreso okazos.
SES alvokos sian membraron donaci por tiu celo, kaj eventualan diferencon pagos SES el sia ĝenerala konto. Oni metu tiun monon en la buĝeton de la societo kaj diskutu pri tiu sumo en la ĝenerala Kunveno dum diskuto pri la buĝeto.
La supra decido estis farita de la estraro de SES, 3 decembro 2012. La supra teksto legeblas en la koncerna protokolo.