Dimanĉon la 30an de majo, precize en la sama tago kaj sama salono kie ĝi estis fondita, Kooperativo de Literatura Foiro festos sian perlan jubileon, nome la 30-jariĝon.
Membroj de la kooperativo, stabanoj, klientoj kaj geamikoj kunvenos por bankedo en la Esperanto-Domo de Ĉaŭdefono. Por la okazo estos inaŭgurita ankaŭ la nova oficejo de Esperanta PEN-Centro, unu el la kolektivaj membroj de LF-koop.
La prezidanto de LF-koop, Marc Hiltbrand, konvokis eksterordinaran asembleon je la 11h00, por pritrakti du temojn: la malneceso havi eksteran revizoran kolegion kaj la subskriba rajto registrita ĉe la Komerca Ĉambro en Neŭŝatelo. La unua estas deviga akto pro nova svisa leĝo, kiu donas la ŝancon ŝpari milojn da frankoj nur se la ĝenerala asembleo mem de la kooperativo konsentas.
Dum la posttagmezo de la sama tago kunvenos ankaŭ KALiFo, la Administra Komitato de LF-koop.
Aldonu komenton