HeKo 708 4-C, 5 maj 19
Okaze de la baldaŭa parlamenta sesio estos anoncita la nomo de almenaŭ unu plia Lingva Komitatano de Esperantio, inter la komunikoj de la Konsulo al la Senato.
La decido konformas al la artikolo 2, paragrafo 3 de Lex Academica, kiu rajtigas la Konsulon nomumi ĝis kvin novajn LK-anojn dum la koncerna mandato.
Nuntempe ekzistas dek unu LK-anoj. La ofico de la dekdua (kaj eventuale de la dektria) ekos 2 junio 2019, en la Tago de la Esperanta Lingvo.
La Senato ankaŭ diskutos kaj aprobos amendoproponon pri Lex Academica, subskribitan kaj de la majoritato kaj de la opozicio. La amendo modifos la kvorumon, preventante la riskon de iu paraliza “coniunctio praescripti”.