La Abeletoj por Kultura Esperanto-Festivalo, la Formiketoj por NaturAmika KulturSemajno en Esperanto, la organiza teamo por la PEN-krozado havos apartajn kunsidojn venontsemajne, por fari la punkton pri la situacio.
La programoj kaj de KEF kaj de NAKSE estas praktike difinitaj: apenaŭ restas truo en la palimpsesto. La kondiĉoj pliboniĝos precipe en Toso-de-Maro, tial ke la invititaj artistoj (Kajto, JoMo, Giorgio Di Nucci) havos la hotelan kabaretejon je sia dispono, anstataŭ la kutima prelegejo.
Pli komplika la scenaro por la krozado ĉar la burokratinoj de PEN Internacia, post aplaŭdoj kaj kuraĝigoj pri la propono, stiris al rifuzo. La Asembleo de la Esperanta PEN decidis tamen daŭrigi la preparlaborojn por regiona konferenco en formo de krozado.
La teamo kunsidos interkonsile kun la kongresa buroo de la Esperanta Civito.
Aldonu komenton