HeKo 648 5-B, 16 jun 17
La paktinta establo Societo Internacia por Paco Universala (SIPU) havas ekde hodiaŭ propran blazonon, laŭ komuniko de sia prezidanto, sen. Frederiko Nimubona, konfirmita de la Civita Registro, blazona fako.
Konforme al la artikolo 7 paragrafo 5 de la Civita Konstitucio, la blazono de SIPU baziĝas sur la ŝildo de la Esperanta Civito, kun simbolo blanka en la suba verda duono. Temas pri la simbolo kreita de Gerald Holtom en 1958, kie videblas ankaŭ stilizita A por Afriko.
Ĉi tiu blazono estos uzata kiel emblemo unuafoje okaze de oka Afrika Kongreso de Esperanto, Buĵumburo 22-27 decembro 2017.
(HeKo 648 5-B, 16 jun 17)