HeKo 418 5-A, 14 jan 10
Grandega tertremo frapis la ĉefurbon de Haitio. Taĉmento de Internacia Urĝa Agado kun ses hundestroj kaj taŭga materialo staras nun en Kolombio, preta por interveni. La klopodoj por havigi la vizojn estas okazantaj.
Internacia Urĝa Agado estas organizaĵo fondita de mondcivitanoj kaj agnoskita de la Kongreso de la Popoloj en 1977. Ĝia celo estas zorgi pri urĝeca helpo okaze de naturaj katastrofoj, kaj specife: a) preventado; b) urĝaj intervenoj; c) rekonstruado kaj aranĝado.
En sia retejo IUA utiligas iomete ankaŭ esperanton. La ĉefa sidejo de IUA estas en Montpeljero, Francio.