Fine de oktobro jam du novaj numeroj de “Kontakto” devus esti en la manoj de la legantoj, sed ŝajnas ke neniu estis eldonita post la fino de la redaktoreco de Rogener Pavinski.
Evidente lamas la starto de la nova redaktoro en Pollando, Paweł Fischer-Kotowski. Tamen li ne vanuis, ĉar li publikigas en aliaj retgazetoj (de kiuj li ne ricevas honorarion, male ol de UEA/TEJO, krom eraro).
Se “Esperanto” estas la pli antikva, “Kontakto” estas la kulture pli prestiĝa periodaĵo de la sama eldonejo. Organize ĝi dependas de la Junulara, sed jure ĝi apartenas al la Universala; finance ĝi estas forte deficita, same kiel la organo de UEA.
Bedaŭrinde la nuna malfruo kontraŭefikus abonkampanjon (se oni farus ĝin); espereble tamen la revuo eksoros en la nova periodo (aŭ kun alia ĉefredaktoro).