Delonge kuras onidiroj, [ankaŭ] en HeKo mem, pri la krizado kaj eĉ agonio de UEA. Tamen al ĉi tiu civitano partopreninta la Universalan Kongreson en Bruno (aŭ Burno aŭ Brno) tiuj prognozoj ŝajnis sufiĉe troigitaj, se juĝi laŭ la UK mem. Bone impresis la detala organizado, la bunta programo, la komforta gastigo en studenta gastejo, la granda partoprenantaro.
La tre interesa kurso pri frazeologia tradukado, okazanta ĉe Kultura Centro Esperantista, proponas ne nur lingvajn precizigojn, sed ankaŭ juran, pro la ĉi-monata enkonduko de kantona normo kiu malpermesas la uzon de poŝtelefonoj dum kursoj.
HeKo 883 1-C, 14 aŭg 25
PROPONO DE REZOLUCIO
La Senato de la Esperanta Civito, kunsidanta en Bujumburo la 1an de januaro 2026,
rememorante
la rezolucion pri Palestino, aprobitan de la Senato en Ĉaŭdefono la 13an de aprilo 2009,
atestante
HeKo 882 9-C, 14 aŭg 25
Fine de marto 2025 c-ino Oriane Condé anstataŭis eksiĝintan senatanon, kiel unua el la neelektitoj de la sama listo. Tial ke la eksiĝinto estis ankaŭ (Unua) Vickonsulo, lia ofico estis atribuita al la plej voĉdonita de la sama listo, nome sen. Manuela Banco, konforme al la art. 20, par. 4 de la Konstitucio.
La prezidanto de Kultura Centro Esperantista, c-ano Stano Keable, respondis pozitive al la propono de kunlaboro farita de Studenta Esperanto-Ligo: tial STELO zorgos pri la programo kaj KCE pri la administrado/loĝiga servo ankaŭ de la 15a Kultura Esperanto-Festivalo, la kvina sinsekve en Svislando.
Kelkaj UEA-komitatanoj rimarkis, ke malmultaj reprezentantoj de TEJO partoprenis en UK 2025. Esceptokaze, ni estis reprezentitaj nur de nia volontulo Giovanni De Lucia kaj ne de Estrarano de TEJO.
Ni ŝatus citi kelkajn kialojn por tiu escepta okazaĵo. Kompreneble, tio ne venas por pravigi la agadon, sed klarigi kial ĝi okazis:
Ĵus malhisinte el sia domo la stelverdan flagon honore al la Tago de la Pakto, Kultura Centro Esperantista gastigos ekde morgaŭ vespere staĝon sub la gvido de d-ino Perla Martinelli, ĉefredaktoro de “Literatura Foiro” kaj dojeno de la Lingva Komitato de Esperantio.
HeKo 882 5-C, 10 aŭg 25
La unua semajno, en realo, de la kurso pri literaturo kadre de Esplora Instituto de Esperantologio finiĝas koincide de aparta semajnfino, ĉar la 9an de aŭgusto 1905 en Bulonjo ĉe Maro oni aprobis la tri simbolojn de esperantismo, kaj la 10an de aŭgusto 1998 en Ĉaŭdefono estis subskribita la Pakto por la Esperanta Civito.
Same kiel la Interlingvistika Centro preparas la resurekton de propra periodaĵo, la hieraŭa Asembleo de Feminisma Esperanta Movado decidis la daŭrigon de la revuo “Femina”, kies 41a numero aperos en 2026, utiligante la saman formaton sed ne la saman oftecon.
HeKo 882 3-C, 8 aŭg 25
Gesenatanoj Lucien Kagina kaj Anna Bartek akceptis la inviton de Hilelista Esperanto-Komunumo kaj liveris ĉi-semajne al la Konsulino proponon de rezolucio pri la hodiaŭa stato de la cionisma solvo de la hebrea demando, konforme al la artikolo 26 de la Sena
Morgaŭ je 16h00 okazos la Asembleo de Feminisma Esperanta Movado, ĉe la Helvetia Esperanto-Domo, en ĉeesto de la nuna Komitato, kie bedaŭrinde mankos la du lastatempe forpasintaj membroj: c-inoj Marie-France Conde Rey kaj Agneta Emanuelsson.
Al la demando “Ĉu via baza tezo estas, ke UEA ja posedus la necesajn monrimedojn por konservi la Centran Oficejon kun oficistaro, iom vastan eldonan agadon kaj diversajn aliajn tradiciajn agadojn siajn, sed mem decidas tion ne fari?” s-ro Osmo Buller, eksdirektoro de la CO de la Universala, respondis jese en la nordeŭropa skandalisma retgazeto kutime funkcianta kiel voĉtubo de la op
