Heroldo Komunikas | Heroldo Komunikas

Rekorde pozitiva 2016 por nia libroeldonado

HeKo 646 3-A, 25 maj 17

Laŭ la kutima jara statistiko ĵus publikigita en “La Ondo de Esperanto” la 2016a estis rekorde pozitiva por nia libroeldonado. Estis produktitaj 189 titoloj por sume 32.323 paĝoj. Se la titolkvanto reportas la merkaton al la nivelo de 2007, la paĝokvanto superas ĉiujn antaŭajn jarojn, ekde 1991, kiam LOdE refondiĝis.

Legu pli pri Rekorde pozitiva 2016 por nia libroeldonado

Memore pri civitano Manuel de Seabra

HeKo 646 2-C, 24 maj 17

Manuel de Seabra (1932[1946]-2017) forpasis antaŭ du tagoj en Barcelono, post longa malsano. Li estis unu el la plej valoraj esperantistoj en Iberio, kvankam la esperantlingva komunumo sur tiu duoninsulo preskaŭ ignoris lin. Bonŝance li havis oftajn kaj bonajn kontaktojn aliloke.

Forpasis civitanino Lina Gabrielli (1920[1955]-2016)

HeKo 646 1-C, 23 maj 17

D-ino Lina Gabrielli forpasis en sia hejmurbo Ascoli Piceno la 16an de decembro 2016, 86-jaraĝa. Ŝi estis la plej eminenta esperantisto en sia provinco, sed ankaŭ internacie fama publicistino, eldonistino kaj verkistino.

Legu pli pri Forpasis civitanino Lina Gabrielli (1920[1955]-2016)

IJK 2018 okazos en Hispanio

HeKo 645 9-A, 22 maj 17

Unuafoje post pluraj jaroj, dum kiuj TEJO organizis sian kongreson en alia lando aŭ eĉ alia kontinento ol UK (la hanojan escepton kaŭzis la rezigno de ĝia japana sekcio), la Internacia Junulara Kongreso disvolviĝos praktike en la sama lando de la Universala.

Legu pli pri IJK 2018 okazos en Hispanio

Evan Williams: "Internet is broken / Interreto kaputis"

HeKo 645 8-B, 21 maj 17

“Internet is broken” interreto kaputis, ĵus deklaris Evan Williams en intervjuo ĉe “New York Times”. La fondinto de Blogger, Twitter, Medium jam de longe dubas pri la intuicio kiu situas fone de la sociaj retoj, ekde Facebook: la homoj deziras komuniki, montri sin, kaj per tio ĉio pliboniĝas.

Legu pli pri Evan Williams: "Internet is broken / Interreto kaputis"

Forpasis André Albault, prezidinto de la Akademio

HeKo 645 7-A, 21 maj 17

La franca prezidinto de la Akademio de Esperanto (1983-1995), d-ro André Albault, forpasis la 17an de majo, tri tagojn post sia plena 94-jariĝo. Profesie oftalmologo, li lernis la lingvon en 1939 kaj famiĝis jam en 1951, kiel gajninto de la unua oratora konkurso dum Universala Kongreso.

Legu pli pri Forpasis André Albault, prezidinto de la Akademio

Ne raso sed specio en la Torina Librosalono

HeKo 645 6-A, 20 maj 17

“La infana raso / La specie bambina”, dulingva eldono de la ĉefverko de William Auld per la italigo de Nicolino Rossi, debutis hodiaŭ ĉe la Librosalono en Torino, la plej grava librofoiro en la Duoninsulo. La verkon prezentis la prefacinto (Nicola Ruggiero) kaj la eldonistino (Neria De Giovanni) kadre de intervjuo prizorgata de itala verkista sindikato.

Legu pli pri Ne raso sed specio en la Torina Librosalono

Esperanta PEN asembleos en Svislando

HeKo 645 5-B, 19 maj 17

La prezidanto de Esperanta PEN-Centro, prof. d-ro hab. Walter Zelazny, kunvokis la Asembleon de Esperanta PEN-Centro al Svislando je la 15a de julio 2017, posttagmeze. Sian ĉeeston jam anoncis ses el la dudeko da membroj, plus la sekretario-kasisto, c-ino Miroslava Kirova.

Legu pli pri Esperanta PEN asembleos en Svislando

Rasismaj esprimoj kaj falsa aserto de Lee Miller

HeKo 645 4-B, 19 maj 17

Iu usonano nomata Lee Miller en publika socia reto ĵus allasis sin al pezaj rasismaj insultoj kontraŭ italoj, laŭ stilo simila al tiu de la plej kruda voĉdonanto de Donald Trump rilate meksikanojn.

Legu pli pri Rasismaj esprimoj kaj falsa aserto de Lee Miller

Didaktika centro pri biodiverseco en Andaluzio?

HeKo 645 3-B, 18 maj 17

Laŭ invito de la posedanto, la sekretario de Esperanta Naturamikaro vizitis hieraŭ, kune kun la prokuristo de fondumo Pro Esperanto, farmon kun vasta bieno en Andaluzio. La posedanto petis konsilon pri la utiligo de la bieno, kies prizorgon li forlasas pro la aĝo.

Legu pli pri Didaktika centro pri biodiverseco en Andaluzio?

En Malago nova metodo prezenti nian kulturon

HeKo 645 2-B, 17 maj 17

Per sia hieraŭa kultura renkonto la Esperanto-Domo de Malago inaŭguris novan metodon prezenti nian literaturon, kiu kombinas prelegon, ﬁlmon kaj deklamadon.

En la fokuso situis la ĉefverko de Adam Mickiewicz “Sinjoro Tadeo”, tradukita de Antoni Grabowski: unu el la esencaj tekstoj por nia literaturo, ĉar la plej grava poezia traduko dum la unua periodo (1887-1921).

Legu pli pri En Malago nova metodo prezenti nian kulturon

Kulturi sin valora aktivulo en la nuna Esperantio

HeKo 645 1-C, 16 maj 17

La Kapitulo de la Esperanta Civito, kunlabore kun paktintaj establoj, subtenas ĉi-jare du kursojn por la formado de kadroj, en Eŭropo kaj Afriko. La unua disvolviĝos ĉe la Esperanto-Domo de KCE en Svislando, 23-28 julio 2017. La dua estas planata en Burundio ﬁne de la jaro. Tiel prezentas siajn lecionojn la tri kursogvidantoj en Ĉaŭdefono.

Legu pli pri Kulturi sin valora aktivulo en la nuna Esperantio

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.