Post la protestoj pro la vampirsuĉaj hoteltarifoj, post la ploro pro la malmultnombreco de la aliĝintoj, jen fine ridindaĵo lige kun la Universala Kongreso en Bjalistoko (aŭ Bjelostoko, se paroli zamenhofe).
En Hispanio la unua lingvotesta sesio konforme al la Komuna Eŭropa Framo de Referenco tre sukcese okazis en Malago, kadre de la Hispana Kongreso de Esperanto, zorge de Kultura Centro Esperantista kaj de Andaluzia Esperanto-Unuiĝo.
La direktoro de Internacia Esperanto-Muzeo en Vieno, mag. Herbert Mayer, anoncis ke s-ino Ada Csiszár testamentis al IEMW gravan heredaĵon. Temas pri la privata biblioteko de Kálmán Kalocsay, korespondaĵoj, manuskriptoj, dokumentoj, fotoj.
Okaze de la lastaj elektoj por la EU-Parlamento praktike la sama nombro da francoj partoprenis la baloton, kompare kun 2004: 17.218.974 anstataŭ 17.169.034. Sed pro la kresko de la voĉrajtantoj (44.282.679 anstataŭ 41.510.298) la procento de la partoprenantoj malkreskis: 38,88% anstataŭ 41,36% de 2004.
Danke al LF-koop, la papera eldono de “Le Monde diplomatique en Esperanto” estas hodiaŭ presita en Bulgario. La stabo de LF-koop okupiĝas ankaŭ pri la dissendo. Temas pri speciala eldono okaze de la Universala Kongreso en Bjalistoko, kun polikromio en la unua kaj lasta paĝoj.
En Sennacieca Asocio Tutmonda la eksigo de membroj ŝajnas dependi ne de arbitracia organo, sed de la ekzekutiva instanco, la Plenum-Komitato. Ĉi tiu decidas surbaze de propono de la Konflikto-Komisiono. Jen la dokumento kiu koncernas interalie la senatanon de la Ruĝa grupo, Dieter Rooke.
Mag. Helga Farukuoye (denaska esperantistino) mortis en sia 67a jaro, 12 julio 2009 en Vieno, post longa malsano.
Estas akceptitaj la unuaj skribaj kontribuoj, de fizike ne ĉeestontaj zamenhofologoj, al la Simpozio pri Homaranismo, organizita de Kultura Centro Esperantista, sub la aŭspicio de Scienca Instituto Zamenhof, en Ĉaŭdefono 17-21 aŭgusto 2009.
