La retejo de la Esperanta Civito superis okcent mil vizitojn dum la lastaj kvar jaroj, nome ekde kiam, en aŭtuno 2006, ĝi fariĝis vizitebla per interreto, kaj ne dissendata ĉiusemajne al du miloj da retadresoj.
Sabato 26 marto 2011 estas la dato proponita por la unua ordinara Asembleo de Esperanta Naturamikaro, en Malago. Se la propono plachos al la provizora Komitato, la provizora prezidanto, c-ano Julio Herrero, kunvokos la Asembleon de ENa por tiu dato.
La diasporoj esence respondas al tri modeloj. En la unua enestas iu fonda evento, en formo de enorma traŭmato: genocido, intercivitana milito, forpelo, aŭ tre severa subpremado. Tiu evento devigas popolon al parta aŭ totala ekzilo. Ĉi tia diasporo gardas fortan rilaton kun la devena teritorio, revante revenon al tiu lando. La plej konataj ekzemploj estas la hebrea kaj la armena.
Kvankam (aŭ eble ĉar) anoj aŭ gastoj de monarkia ŝtato, iuj madridanoj ŝatas fondi respublikojn.
Per lakona anonco en sia retejo Germana Esperanto-Asocio informas, ke s-ro Stano Marĉek (eksigita de sia redaktora posteno ĉe UEA, poste maleksigita ĝis la venonta UK) estas la nova redaktoro de la dumonata asocia organo, ĝis nun grandparte en la lingvo de Goethe.
Kiel anoncite, Giorgio Silfer prelegos baldaŭ en Israelo. Li vojaĝos al la Sankta Lando ne kiel reprezentanto de la Esperanta Civito, escepte de unu renkonto en diplomatejo ekster la israela jurisdikcio.
Renkontiĝo okaze de la Tago de la kuracaj plantoj organizas Esperanto-Societo “Sukceso”, Vraca (Bulgario), en la monaĥejo “Sankta Profeto Ilija” (inter urboj Mezdra kaj Roman), 24-26 junio 2011. Laŭ la bulgara popolkalendaro, la 24a de junio estas la Tago de la kuracaj plantoj (ĉar tiam plej fortaj dum la jaro).
Kataluna Esperanto-Asocio estis fondita en 1982, kiel daŭrigo de la historia Kataluna Esperantista Federacio, fondita en 1910 kaj aktiva ĝis la hispana milito. La 11an de decembro 2010 KEA celebros la centan datrevenon kaj de KEF kaj de la revuo “Kataluna Esperantisto”.
Per la formala subigo al la Svisa Konfederacio kiel kontrol-aŭtoritato, Fondumo Pro Esperanto kompletigis ĉi-semajne la longan proceduron de agnosko fare de la oficialaj instancoj en Svislando.
Kun 11-jara malfruo (same kiel por la aperigo de la Manifesto de Raŭmo en sia organo…) Universala Esperanto-Asocio nerekte agnoskas festotagojn de la Esperanta Civito.
