La 22an de decembro 2010 la Ministerio pri internaj aferoj de la Hispana Reĝolando enskribis la asocion Esperanta Naturamikaro (ENA) en la Nacia Registro de la Asocioj. La oficialigo de ENA fare de la hispana ŝtato estos kompletigita dum la venontaj tagoj per la asigno de la kodo por la aldonvalora imposto.
Prof. d-ro Carlo Minnaja estos la ĉefa gasto dum la Februara Monatfino de KCE, kie li prelegos pri la esperanto-literaturo. Li jam sukcese prelegis ĉe la Esperanto-Domo, interalie pri la vivo kaj verkaro de Ivo Lapenna.
Feminisma Esperanta Movado, kies sidejo estas en Svislando kaj organo la revuo “Femina”, analizis la kazon Assange, en rilato kun la denunco fare de du svedinoj kontraŭ la iniciatoro de Wikileaks.
Ken Miner en sia nova taglibro laŭdas la tradukon de “Kvarteto”, faritan de Giorgio Silfer el la teatraĵo de Ronald Harwood, prezidinto de PEN Internacia. La traduko celis efektivan surscenigon, sed la projekto prokrastiĝis.
Kiam mi okupiĝis pri Suda Sudano, en 1969-70, la loka liberiga armeo atribuis al si la nomon de serpento, kaj la liberigota lando havis la nomon Anzanio. La flago estis nur trikolora: al la tri horizontalaj strioj (de supre: ruĝa, blanka kaj nigra) mankis la verda, maldekstra triangulo, kiu ĝin karakterizas hodiaŭ.
Dum jardekoj la medio de Tutmonda Esperantista Junular-Organizo ne produktis kulturpolitike interesan dokumenton. Tial des pli strange estas, ke la rezolucio de Liberec’, aprobita de la Komitato de TEJO dum la 65a Internacia Junulara Kongreso, 24 julio 2009, estas praktite ne rimarkita.
La tri periodaĵoj “Literatura Foiro”, “Heroldo de Esperanto” kaj “Femina”, eldonataj kaj administrataj de LF-koop, aperos en 2011 kun kelkaj grafikaj plibonigoj, pristuditaj de la arta direktoro, sen. Perla Martinelli.
La malamo kontraŭ aliaj planlingvoj, pli specife interlingvoj, nome internaciaj artefaritaj lingvoj, karakterizas la finvenkismon.
En la decembra numero 2010 de “La Ondo de Esperanto” Zbigniew Galor donis sian analizon pri la konflikto en la pola finvenkisma Esperantio, per artikolo titolita “Kiel esperantistoj perdas sian komunumon”.
