aŭgusto 2014

Unuan fojon la kongresa numero de “Heroldo de Esperanto” ne dediĉas prioritate la unuan paĝon al la Universala Kongreso, sed al du aliaj internaciaj kongresoj kiujn la redakcio taksas ĉi-jare pli sukcesintaj, kvante kaj kvalite (laŭ adekvata proporcio).

Pozitiva somero por la nemoveblaĵoj administrataj de fondumo Pro Esperanto kiel regio en Svislando kaj Hispanio.

La apartamento posedata de LF-koop en Ĉaŭdefono estas konstante luata ekde junio, kaj nova kontrakto garantias ĝian rentan okupadon ĝis la fino de aŭgusto 2015.

Agrabla renkonto en Upsalo (Svedio) de la loka esperanto-komunumo kun eksterlandaj gastoj en privata vizito. Menciindas ke la unua esperanto-klubo en Upsalo fondiĝis en 1891, kaj estis la dua en la historio, post tiu en Nurenbergo.