Estas preparataj la balotejoj en tri kontinentoj por la elektoj al la Senato de la Esperanta Civito. La koncernaj responsuloj jam ricevis la skemon de la balotprotokolo kaj la liston de la voĉrajtaj en la koncerna areo.
Prezidanto Mark Fettes ĉesigos la kontrakton kun Attila Kaszás el Budapeŝto fine de la nuna monato. Temas pri la tria redaktoro kiun li maldungas en kvar jaroj, kvankam efektive Fabrício Valle ne lasis sin senkapigi kaj nun preparas sin por propra, espereble sukcesa aventuro per “Heroldo de Esperanto”.
Inter la ĉefredaktora nivelo kaj la kunlaborantaro la kultura revuo “Literatura Foiro” havas ekde nun etan stabon el fakaj redaktoroj, precipe pri la temoj ekster beletro. La redaktoroj helpas ankaŭ al la ellaborado de la redakta strategio ĝenerale.
La ĉi-jara Tago de la Esperanta Kulturo estas festita en la ĉefa salono de la socia centro najbara al la naturamika Esperanto-Domo en Malago. Kunorganizis la aranĝon Esperanta Naturamikaro kaj la loka Esperanto-Societo “Marbordo de la Suno”.
En serena kaj agrabla etoso disvolviĝis la Tago de la Esperanta Kulturo en Buĵumburo, ĉefurbo de Burundio, danke al la festo organizita de SIPU, Societo Internacia por la Paco Universala, kies esperanto-branĉo estas prezidata de sen. Frederiko Nimubona.
Post preskaŭ dudek jaroj da klopodoj, finfine TEJO emancipiĝis de UEA.
Dum oni ankoraŭ atendas la protokolojn de du balotejoj en Afriko, la skrutinio pri la elektoj al la Senato de la Esperanta Civito montras la sukceson de la Verda Listo, sed ankaŭ la fortan progreson de la Blanka.
Dekduo da personoj festis la Tagon de la Esperanta Kulturo ĉe Kultura Centro Esperantista en maniero nekutima. Ili estis kaj surloke kaj en Italio, Francio, Meksiko, Usono. Tio eblis danke al la magio de skajpo.
Iberia balotejo / en Malago
Elektantoj enskribitaj en la Civitana Registro: 25.
Voĉoj entute: 13, el kiuj 13 validaj.
Voĉoj laŭ la listoj: Verda 11; Blanka 2.
Voĉoj laŭ la Verdaj kandidatoj:
Nguefack 4, Silfer 11, Conde Rey 2, Attaglo 1, Batila 1, Dello Spedale 2, Herrero 7, Karibe 3, Levi 1, Martinov 1, Nájera 1, Penacchio 3.
Surbaze de la establita normo, la ĝenerala voĉdonado pri la Fettes-statutreformo estis superflua. Tion opinias c-ano Giorgio Silfer, kiel eksperto pri balotaj normoj pro siaj profesio kaj aktiveco en politika partio, nome kunorganizanto de pluraj balotkampanjoj kaj kompreneble ankaŭ skrutinianto. Lia rezonado estas jena.
