aprilo 2017

Komisiite de Kultura Centro Esperantista kiel organizanto de la evento, c-ano Giorgio Silfer festparolados 14 aprilo 2017 matene en Ĉaŭdefono, okaze de la Tago de Ĉiuj Pioniroj, ĉi-jare koincida kun la centa datreveno de la forpaso de Lazaro Ludoviko Zamenhof. Tial li anoncis ke li dediĉos specifan atenton al la antisemitismo en la historio de la esperanta popolo.

La unuaj Civitaj senatanoj atingis Ĉaŭdefonon, kie ili tranoktas ĉe la Esperanto-Domo, atendante la inaŭguron de la nova parlamenta mandato 2017-21. La plejmulto alvenos 12 aprilo 2017, tagon antaŭ la parlamenta sesio: inter ili, la eliranta Konsulo, Marie-France Conde Rey, kiu prezidos la unuan seancon, en la urbodomo de Loklo. La Esperanto-Domo estos plene okupita.

Sen. Riichi Karibe estas la parlamentano kiu venis al Svislando de plej fora loko: Jokohamo, Japanio. Li pledos por la aprobo de sia leĝopropono pri pacifismo, kies enhavon jam priskribis HeKo 607 4-C. La leĝo konsistus el nur du simplaj, sed fundamentaj artikoloj.

Art.1 (Militrifuzo)

En la solene bela kadro de la Konsilantara Salono de la urbodomo de Loklo ekis hodiaŭ la kvara mandato de la Civita Parlamento. Jam la trian fojon la ĉarme karakteriza palaco gastigas la inaŭguran sesion: sola escepto en 2007, ĉe la parlamentejo de Eŭropa Unio en Bruselo.

Aprobante la rezolucion kiu postulas juran personecon por ke establo povu aliĝi al la Pakto (almenaŭ dum la mandato 2017-21), la Forumo fermis la pordon al multaj blufaj iniciatoj kiuj cirkulas tra la tuta virtuala mondo.

Ĉiuj formalaj demarŝoj por la eko de la kvara mandato de nia Senato estis plenumitaj hieraŭ. La forumanoj elektitaj al la Senato lasis la Forumon por la proporcia branĉo de la Parlamento. La senataj grupoj koincidas kun la elektitoj: dek kvin verdanoj kaj kvar blankanoj. La Blanka grupo restas estrata de sen. Anna Bartek, la Verda grupo estas provizore estrata de sen.

Jam ĉe la dua Senata sesio la opozicio, per la voĉo de la Blanka grupestro Anna Bartek, levis la demandon pri amendo de la artikolo 17 de la Konstitucio. La Blankanoj, laŭ sia balotprogramo, celas la absolutan proporciecon, sen ajna balotpremio, okaze de la Senataj elektoj.

La Senato aprobis hieraŭ unuanime kaj senamende la leĝoproponon pri pacifismo, kies unua subskribinto estas sen. Riichi Karibe. Per tio la Esperanta Civito distanciĝas de la svisaj normoj, kaj militrifuzo neniel estos konsiderebla kiel delikto.

La jura sendependeco de Tutmonda Esperantista Junulara Organizo lamas, ĉar ne progresas paralele ankaŭ ties organiza emancipiĝo. Tion oni deduktas de la raporto fare de la TEJO-prezidanto, Michael Boris Mandirola, al la Komitato kunvenanta en Italio dum Internacia Junulara Festivalo.

Kultura Centro Esperantista organizis en Ĉaŭdefono celebradon de la centa datreveno de la forpaso de Lazaro Ludoviko Zamenhof, okaze de la Memortago de Ĉiuj Pioniroj, la 14an de aprilo 2017. La celebrado artikiĝis en du programeroj: festparolado en la Esperanta Panteono kaj vizito de ekspozicio pri la hebrea kontribuo al la svisa socio, ĉe la loka historia muzeo.