februaro 2018

Gec-anoj Marie-France Conde Rey kaj Giorgio Silfer ĵus finis la redaktadon de la franclingva kajero pri la kultura historio de Esperantio, eldonota ĉi-jare de Esperanta PEN-Centro. La hispanlingva varianto estas jam preparata en Meksiko, kunlabore kun d-ino María Elena Ruiz Cruz, verkistino.

Unu el la plej famaj universitatoj en la mondo, MIT en Usono, gastigis en la nuna semestro esperanto-kurson, kiu kulminis per literatura seminario. La iniciaton proponis kaj kunorganizis d-ro Francesco Maurelli, vicprezidanto de TEJO, nuntempe esploristo pri robotiko ĉe MIT.

Unika ŝanco por flue parolantaj esperantistoj en Meksiko: ili povos trapasi lingvotestajn sesiojn kaj atingi la diplomon C2 en Meksiko, la plej altan en la LingvoTesta Sistemo de la Esperanta Civito.

Kultura Centro Esperantista organizas la C-gradajn ekzamenojn. Ili okazos en Akapulko, 22 februaro 2018, kaj en Meksikurbo, 1 marto 2018. 

Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari legacon aŭ donacon.

Pluraj renkontoj kun verkistoj kaj literaturaj institucioj en Meksikurbo karakterizis la unuan semajnon en Ameriko de gec-anoj Perla Martinelli kaj Giorgio Silfer. La rilatoj inter la Meksika PEN kaj la Esperanta PEN fonas al tiuj renkontoj. Inter ĉi-lastaj du estas aparte interesaj.

Gonçalo Neves el Portugalio estos la ĉefa preleganto dum la tria lingva kolokvo de Kultura Centro Esperantista, okazonta en Ĉaŭdefono 13-15 aprilo 2018. La kolokvo estos dediĉita al la rilatoj inter esperanto kaj Ido, cent dek jarojn post la skismo iniciatita de Louis Couturat kaj Louis de Beaufront.

La Konsulo baldaŭ kunvokos la Lingvan Komitaton de Esperantio, kiu rolas kiel komisiono “ad hoc” por la Esperanta Civito, kaj konsistas el homoj kun raŭmisma koncepto pri nia lingvo. Lastfoje ili diskutis kaj decidis pri la neologismo “ĉaŭ”, proponita kiel saluto ene de la civitanaro.

Sub la aŭspicio de Esperanta PEN-Centro la 44a literatura kafejo disvolviĝis hodiaŭ ĉe la legacio de la Esperanta Civito, zorge de Fajszi Amika Rondo. Gastis d-ro Vilmos Benczik, kiu per lumbildoj riĉigis prezenton pri Ferenc Szilágyi (pseŭdonime FerSil), okaze de la kvindeka datreveno de ties forpaso.